الرئيسيةالتسجيلدخول

شاطر | 
 

 فـ إديـك الاتنيــن

اذهب الى الأسفل 
كاتب الموضوعرسالة
MIDO

Founder of the Forum


Founder of the Forum
avatar

ذكر
العمر : 24
المشاركات : 348
الانتساب : 26/02/2010
موقعك : www.egytoday.yoo7.com
هواتى : مصمم وفنان فوتوشوب على قدى
اوسمتى وتقديرى :

مُساهمةموضوع: فـ إديـك الاتنيــن   5/3/2010, 22:21

مش كل لغات الدنيا حروف
ولا كل عيون بتحس النور ...
تقدر ع الشوف


إنما بالحس تعدى خيال
عناقيد م الفكر بتربط كل حدود العالم
شرق و غرب
ودا حال الكون


ولقيتك جنب الحيط تواريخ
بتعافر لسه ف قلب الريح
شخابيط بتدارى جمالها الناس
وسواس ف حواسهم ...
بيزن
وضهور م الشيله عماله ...
تئن
مش معنى سكاتك يعنى خلاص ...
الكل اتجن


من يوم الليله اللى إحنا بدرنا
الخوف م الخلف
وبدرنا بذور الفول قدام
والشاي ع النار
والجبنة ليلتها بتحضن آخر رصة عيش
قمنا نبله بسهر الليل


اتمطع ... شق الأرض الفول
وادارى الخوف م الخوف لَـ يبان
ورسمت ف إيدى طلوع الفجر
ساعتها ضحكت عليا عشان
مارسمتش شمس ....


ولقيتك ماشى ترش كلام
وحروفك طايحة مابين النايم
و الفارد رجله ف قلب الشارع
و الرجل التانية ف ليل امبارح
و مكنتش سارح


بس كلامك ...
خدني سنين تانيه لقدام
إعدام الحرف لا يمكن يبقى شريعة و سنه
بستنى الحنة
بتمنى تلون وش وشوش
وتجيى يا صبح فى ايدك فرحى
وتنزل على احزانى ستارة ...
الختام


واخدنى ف ديل جلابيتك فين ما تكون
بتحـزّم رحلة يومك ف المنديل
و بشيلها معاك
و تشيلنى لما الحيل ...
يتهد
تعقدلى دماغى بنص فانلة صوف
ف عرفت معاك ايه معنى ...
الضد
ماتزيدشى عليا الرحلة ...
تعبت
و ارتاحت منى خلاص
الروح
م الصعب عليا أقولك
روح
و تسيبنى ازاى مع إن الروح











ف إيديك الاتنين


**********************


أحــلــى ســـلام






الرجوع الى أعلى الصفحة اذهب الى الأسفل
 
فـ إديـك الاتنيــن
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ايجى تودى | افلام عربى | افلام اجنبى | اغانى | العاب | برامج :: <<======فرفشه ونعنشه======>> :: الشعـ،ـر والكـ،ــلامـ الحـــ،ــ،ـلــــووو-
انتقل الى: